之前講到我地啱啱參觀完甘川文化村，由山頂搭小巴到地面，到地面其中一個位置落車(我地上車嗰個位遠少少再轉右既位置)，竟然直落就係地鐵站，正﹗﹗
個站隔離有間CAFE喎，細細間，好似幾有特色喎，我地都有少少心郁想試下……又可以坐底小休一陣……
好啦﹗就試一試啦﹗﹗
我地黎到韓國真係飲左好多咖啡﹗﹗韓國既咖啡真係相當唔錯，而且選擇又多，唔會好似香港咁見黎見去都係Starbucks同Pacific coffee。
好彩有圖又有英文~不過有D無英文……真係唔知係咩黎……
老闆娘親自泡製比我地，連咖啡上面既cream都係人手慢慢打﹗﹗好用心既一杯咖啡﹗﹗味道相當香同好味﹗﹗咖啡香濃無苦味，cream非常軟滑，perfect﹗
非常開心滿足既coffee time~
搭地鐵返釡田準備回首爾，臨離開釡山之前，一定唔好錯過呢度既銀杏樹景﹗﹗
雖然而家唔係銀杏葉開得最茂盛既時期，但人生第一次遇見摸到銀杏樹，伸手可以摸到銀杏樹是第一次呢﹗ 釡山街頭周圍都是美麗的銀杏樹，這種置身其中的感覺真好﹗﹗
在人生的旅途上，"聽聞"有很多，但能夠把聽聞變成經歷的時候，那種感覺完整了。
遇見釡田的街市，我們當然不會放過望望既機會﹗﹗ 好多種類既海帶﹗﹗﹗好新鮮喎﹗﹗
噢…呢D咪係醃蘿蔔﹖﹖
呢度仲有大大隻既八爪魚~~好大既吸盤呀~~
要離開釡山了，捨不得這裡，臨走前在街市買了其中一間平平士多啤梨，一大盒只需要W5000﹗﹗雖然還有更大更好的，可是我們兩個人又沒必要吃那麼多，就挑選了一盒小的﹗﹗
超甜超有士多啤梨味超新鮮﹗﹗ 物超所值呢﹗﹗﹗
呢盒好似糯米池，其實都唔肯定係咩，不過好似好好食，買黎喺火車食頂下肚。原來係好軟綿既糯米池，中間係好好味既豆沙饀﹗ 釡山超市既食物味道很好﹗﹗
坐KTX回到首爾LU~
先返Nine Tree Hotel 攞行李，再途步到新酒店CHECK IN，呢間係T-Mark Hotel，都係一間新建酒店。
T Mark Hotel 呢張床仲舒服﹗﹗係三間酒店裡面最舒服既﹗﹗ 枕頭同被褥都相當高質素﹗﹗
窗非常大，一大個L字型既範圍﹗﹗ 不過地方細左D，我地有兩個大行李，無位放，要放得好逼﹗
國際插頭，GOOD﹗﹗
有浴缸﹗﹗GOOD﹗﹗
安頓好哂，當然就係去食晚飯，既然返得嚟明洞，當然係會行下D護膚品化妝品店﹗﹗事關有人叫我買某隻lotion比佢，但佢唔知喺邊度買，咁我就係明洞搵完又搵，搵完再搵，行哂成個明洞既護膚品店，都買唔到，最後無意中入屈臣士比我見到……呢一刻，我同我自己講，我以後去旅行唔會再幫人買野﹗﹗除非佢比哂店舖地點我，我又真係好順路，而份量又唔係多，搞到我成個旅行都記住要買一樣我唔知係邊度搵到既野﹗﹗=,=
行完街都成11點，好多食店都關左門，好彩仲有呢d開24小時既舖頭﹗﹗望落去都ok呀，價錢又ok，醫肚最啱﹗﹗
嘩~好肚餓~開動﹗﹗
其實係我成日想食拌飯…所以最後揀食呢間……haha
天氣凍凍最好就係食呢d永遠都熱既石頭鍋﹗﹗簡單開心既一餐﹗﹗
返酒店途中又見到首爾塔，老公叫我有得影好影，因為聽日要走lu~~其實見過首爾塔好多次啦，臨走應該影返張相既...夜晚影又無腳架又凍又無耐性，只有呢d質素…
返到酒店即刻開左其中一份戰利品，味道好似柏力支……呢個係闊版柏力支~~
釡山比我既印象係真實、用心，食物大多數都新鮮，你可以食到最單純既味道。 雖然呢度並唔係好先進既地方，卻處處令人懷念……而首爾，絶對係一個購物好地方，不過花多眼亂，或者去首爾之前做定資料搜集會好d.....~^v^~
沒有留言:
張貼留言