今日既行程係甘川洞文化村，這文化村有著極具特色的建築風格，房屋依山而建，顏色又七彩鮮豔奪目，形成美麗的小村莊﹗﹗這文化村是釡山的必去景點之一﹗﹗
早餐未食就去文化村，因為想在文化村中品嚐早餐，又可省卻不時時間。講開時間，好多人旅行都想找緊時間，用最少既時間睇到最多既野，或者用最少既時間做到最多既野。但係享受到處遊歷既樂趣，整個過程中，若被時間鎖住了，急東趕西對整個旅程的體會及領悟就會容易變得一閃即逝。
土城站，由呢個站落出轉小巴到甘川洞文化村:
點解我影住呢個閘口﹖事源當我地搭地鐵既途中，當我想將尋晚既駛費用數落手機既備忘錄時，我發現我過去六日所輸入既資料，前嗰五日都無左，只係剩返尋日既資料﹗﹗﹗﹗我喺咁鬧部手機又喺咁搵下有無可能會出現番，結果當然係無呢支歌仔唱……
我五日入既帳，所有既車費、食、買、住，我都入得一絲不苟，仲要分埋類，仲要計番港幣係用左幾多……咁多次旅行我入得最齊最緊貼就係今次，竟然同我消失哂﹗﹗﹗當我覺得好黑仔既時候，我發現我地搭過左一個站……
我地即刻喺下個站落車，但原來釡山呢個地鐵站係無得就咁過返對面月台，而當時又無工作人員喺附近，當我地喺度諗點算既時候……
有一個"ar豬媽"喺我地面前"捐"出過個閘口…仲要佢好似驚我地唔識，又再捐返入黎……我O咀咁望住佢，唔係因為我覺得佢唔啱，而係有人活生生喺我面前教我可以咁樣過對面月台……而呢個人係同我地完全無關，仲要講韓文，但係喺我地有需要既時候，以一個滑稽既方式現身說法，真係上天既幽默……唔遲唔早，時間啱啱好…
經過D咁滑稽既事件，將D燥底趕走左，無左既資料重新由頭記憶再入過，又開開心心去文化村﹗﹗ 地鐵一出轉個彎就見到搭小巴既地點，沿途有間CANCER CENTER，呢幅相見到最前面嗰架小巴既位子就係啦﹗﹗
2號小巴：
上到最高，見到條天橋又見到呢個位就可以落車啦﹗﹗
呢架就係架2號小巴啦﹗﹗
街口有D小餐廳：
我地揀左呢間做早餐﹗﹗
好住家feel~簡單而乾淨~
嘩﹗ 一條壽司七款饀，都好豐富喎﹗﹗
呢個面就普通d，清淡都好似無味一樣，不過有一樣可以肯定，一定無味精同雞粉.....
呢個店可以一邊食早餐一邊睇小屋景，寫意﹗﹗
兜個圈就可以見到靚景，所有整個小村落一覽無遺﹗﹗
嚟個全景：
嚟個近鏡：
再嚟個超近鏡，每一間小屋各自有特色，乳牛色小屋很獨特﹗﹗
而家走入甘川文化村入面：
呢度好多幅牆都有畫上畫，圖案和主題都各有不同，村民們真有心機﹗﹗
看著鴿子過斑馬線，有趣﹗﹗ 有趣﹗﹗
每一幅板都有不同圖案，再形成魚既圖案，用心合力﹗﹗ 美化人生也一樣，要用心，要合力。
這間時鐘的畫我最喜歡﹗﹗ 時間到底代表著什麼﹖ 意味著什麼﹖﹖ 總是支配著人向前走的……誰知我們到底是向前走﹖還是在跑圈﹖﹖如果目的地不是真正的重點，難度…跑的過程才是﹖
另一幅全景：
能在其中，就好。
這文化村入面有一間很CAFE，感覺也很不錯，本來想到CAFE外面飲杯咖啡，不過太陽好猛而且只有少少靚景。由於我地時間有限，又唔係特別靚景，就無坐底。
正常既價錢~
間CAFE既外牆都相當令人舒服~
呢個CAFE係我地喺文化川既最後一站，之後我地就返去落車地點既對面搭小巴返落山lu~
待續……
沒有留言:
張貼留言