在首爾的最後一天，最大的任務就是Final Shopping﹗買我地想買既野。嚴格黎講，係買我仲想買既野……HAHA﹗舒舒服服瞓醒覺就去我地最後既行程 -- 梨大﹗
之前去梨大，只有好少時間Shopping，所以今次翻撻既地方就係梨大﹗梨大可以同時間買衫買袋買鞋買護膚品化妝品等等…一個地方睇唒d野﹗
終於比我見到托我買既手霜……竟然喺屈臣士﹖等我行哂成個明洞既護膚品店都搵唔到……最後竟然喺梨大既屈臣士見到……
就係呢支：
呢支我都有買埋，因為咁啱做特價﹗﹗
買左一輪，我地都好肚餓…因為連早餐都未正式食，我地四圍搵野食，想是但食個中午飯，搵黎搵去都唔啱，最後被老公見到個窩夫牌，唔通有野食﹖
原來呢條巷有兩個CAFE喎…一間係Waffle it up，一間係Vicolo。我完全留意唔到Waffle it up，一行就行入去Vicolo……
食意大利野喎……外面望入去好似好高級……我地又無諗住一個午餐要食高級餐廳喎……不過真係好肚餓…最後都決定入去
一打開餐川牌，睇完一輪，我地本來諗住散叫，但我發現散叫既食物同個set餐好似，咁不如食set﹖ 我就同老公講不如食某個set﹖﹖ 老公問左我一個問題，佢話：食set餐要食好耐喎，你就無時間再行街Shopping ga la，咁你ok唔ok先﹖ 我答：食野重要d﹗﹗
對於我黎講，坐喺一個地方慢慢品嘗每種食物，重要過shopping。食物既吸引性非常大﹗﹗ 特別係好既食物﹗﹗
先黎個餐包，呢個餐包外脆內軟，有handmade既感覺，可能係親手搓喎﹗﹗
迷你濕毛巾，我仲以為有兩粒綿花糖…
前菜，呢個前菜分量好大，食材非常新鮮，味道酸酸的，很獨特，看得出亦食得出是用心製作﹗﹗
簡單的pizza，蕃茄醬很濃郁很好味，有幾種芝士，pizza底很薄脆，雖然兩個人食咁大個，都可以食得哂﹗﹗
酸蘿蔔，粉紅的很特別，爽脆爽脆的~
一睇就知我食得好開心﹗﹗
呢個意粉水準極高，意粉軟硬粗幼適中，青口的肉是細細粒的，但非常軟熟﹗﹗ 而蕃茄醬簡直就是靈魂，好味得很﹗﹗ 在我食過的意粉中，這個意粉堪稱五大最好食意粉之一﹗﹗ 極力推介﹗﹗
最後就是甜品及飲品﹗﹗ 我的是espresso，老公就飲latte
小小的espresso不但豆味香濃，而且一點又不苦，少少甘味，正﹗﹗
整個二人set只需W44000，真係超值﹗﹗﹗﹗ 無得彈﹗﹗
環境清靜又舒服，非常好﹗﹗我地tea time喺度食，人唔多，非常好﹗
離開梨大，就喺酒店附近supermarket最後購物，老公買左呢個試，味道都ok，W1000咋，好抵﹗
入閘離開首爾lu~~
夜機返，飛機遲左成個鐘起飛，希望可以唔太遲返到香港……又食多次拌飯先~
正﹗有芝士蛋糕味雪糕食﹗
飛機到香港機場，本來應該可以落機，點知……噢……我地唔比落機，又有一班警察上左飛機……但又唔講發生咩事……只係其中兩個乘客帶住D警察喺度行黎行去，擾攘左一段時間就放人……最後聽到好似有人偷左某個乘客既錢…不過最衰搵唔到個賊啦…
攞完行李見到SWAROVSKI聖誕樹，當然要影番一張﹗﹗講起SWAROVSKI，我就諗起Liechtenstein 列支敦斯登這個郵票小國裡的一張天鵝SWAROVSKI郵票，真係有水晶喺張郵票度，當時我睇左張郵票好耐都無買，因為貴又唔係保值野，但而家諗起當時買張比自己都無妨呀^^
最後介紹下其中一D戰利品：
呢個朱古力餅喺屈臣買既，都幾好味，值得一試﹗
呢包零食非常脆口，甜甜的外層，不錯﹗喺釡山supermarket買既。
呢包爆谷乜味都有，白色既係芝士味，咸咸的，軟軟的，唔脆，而其他有顏色既就係甜同脆既。勝在過癮。
呢隻紫菜不太貴，味道ok，是油多了一點，咸了一點，但還是非常脆口，做手信一流﹗喺明洞supermarket買既。
呢隻係中藥衛生巾，上網見到有人介紹，買黎試下。吸濕力很強，能夠完全保持乾爽狀態，非常不錯﹗價錢也不貴，大約二十幾蚊港幣，又係喺屈臣買既。
呢個喺明洞olive young買，不過我之後見屈臣都有，仲要平d，大家可以去屈臣買。我個人覺得呢個cake唔好食，唔知點解咁多人推介 =,=
呢個味道好似蝴蝶酥，脆口非常，一塊可以分開幾條咁食。
買左超多對襪做手信，因為實在太抵，W1000就有一對，喺香港買要二十幾三十蚊一對﹗
呢支handcream買左十支，foot cream係潤過hand cream，味道都好香，冬天既話，大家不妨買foot cream當hand cream用﹗
呢個脫皮玩意我都係上網睇見人地話好，上面嗰度平d，下面嗰隻貴d，貴d嗰隻人地話超好，脫過一次皮就可以keep半年，我都而家都未正式玩過，新年前一定要試下，去舊皮迎新皮。
呢支洗頭水又係超多人推介，我買黎試下，都ok滑喎，淡淡既人蔘香氣，不過原來呢兩支都係洗頭水囉，我仲以為隔離嗰支係護髮素，搞到我又另外再買護髮素…買呢d野重死人…其實又未去到話非買不可咁好，但係買呢d最好去olive young或者屈臣買，平d﹗
8日韓國之旅極速完了，喝了很多杯香滑咖啡，吃了很多新鮮的美食，買了很多有質素的產品，過了一個很開心的假期，剩下了很多美好的回憶。大家去韓國，一定要自由行啊﹗﹗^^
韓國_釜山 3 Dec 2013 @ 8天自由之旅 Day 7 (下)
韓國_釜山 3 Dec 2013 @ 8天自由之旅 Day 7 (上)
韓國_首爾 27 Nov 2013 Day 1 (下)
韓國_首爾 27 Nov 2013 Day 1 (上)
沒有留言:
張貼留言