要離開佛國寺了，來個最後留影：
佛國寺附近既小商店食街，非常古式古香~
喺我地等巴士返番去新慶州火車站既時候，發生一件奇怪既事…等左一陣，發現，點解我地等巴士既路上面一架車都無呢﹖而街上面既人都不約而同向住一個方法望住，好似話比我地聽呢條路會有D咩出現咁……我地又發現有一架直昇機喺路上面盤旋…唔通有咩重要人物要經過﹖﹖
首先出現幾架著好型既警車開路，感覺好似後面會有D重要官員﹗﹗
大家一齊睇片啦~好誇張﹗咁都比我地遇到﹗﹗可能係總統喎﹗ D車一到，民眾就拍手掌歡迎~~~
返釡山lu~趕火車﹗喺3點39分既時候買左張3點40分既飛，喺售票員話無問題我地會趕到。我地都o哂咀，唯有飛奔上月台趕火車，點知飛到月台發現一架車都無……但係明明喺顯示版寫住This 143 15:40 busan...平時d火車都好準時開…到底發生咩事﹖
下一架成25分鐘後…唔係要坐下架呀嘛……點知……
=,=".......
竟然係因為delay...唔怪得個售票員話ok可以搭…咁唔該佢話埋比我地聽架車delay左6分鐘ma…無端端跑餐矇...
我同老公建議返到釡山先食，因為我好想食南浦洞既一間炸醬麵﹗﹗呢間炸醬麵就喺前晚食烤肉嗰間店隔離啦﹗
呢張海報既炸醬麵好似睇韓劇嗰D…仲要W4000就有得食，令我念念不忘呢個炸醬麵海報﹗﹗ 去完佛國寺到而家，都係食左半份三文治，我同老公都好肚餓﹗﹗
任食既前菜，可以無限添食﹗﹗ 薄薄的醃蘿蔔，非常爽脆﹗﹗
出面天寒地凍，我地都想食D有湯既野，所以老公叫左海鮮湯麵~呢個W5000，材料都相當豐富，麵質同炸醬麵一樣，味道不錯，物超所值﹗
而我當然食招牌炸醬麵﹗﹗ 嘩﹗﹗望落去好地道﹗﹗好似好原料原味咁呀﹗﹗
同海報一樣令人驚喜﹗﹗炸醬麵質地好彈牙軟滑，麵質粗又有口感，而炸醬既味道亦相當好味﹗﹗ 喺香港既韓式店舖既炸醬麵完全比唔上﹗﹗ 簡單而好食﹗﹗ 又係平靚正﹗﹗ 絶對值得一食﹗﹗
食完炸醬麵，我地繼續SHOPPING，SHOPPING途中又有D肚餓…見到呢D魚仔好似好好食，買黎食下先~~
W2000 8個，4個豆沙，4個奶黃，兩隻味都好好味，熱辣辣，外皮脆，饀又多，又係流心FEEL，正﹗﹗﹗
夜晚我地又要諗食乜好…揀黎揀去，揀左酒店附近一間地道既韓式店，點兩個湯+飯食。
呢個湯清清地又幾好飲，又係好有住家FEEL~有D似牛肉冬瓜湯
呢個辣辣地又清清地~
呢個店好溫暖呀~D熱力由地板出
好鍾意韓國既食店有咁貼心溫暖既地板﹗﹗ 鐵飯碗仲可以KEEP住D飯熱騰騰﹗﹗
快樂源於知足的心~
沒有留言:
張貼留言