今日我地要去新慶州既佛國寺睇紅楓葉同文化遺產，所以乖乖較鬧鐘起身，趕朝早10點半既火車﹗﹗實情呢個10點半都係我地自己尋日定，而且喺尋日買左飛，有個時間定好左，就唔會太遲出發﹗ 由新慶州火車站仲要搭45分鐘至1個鐘去佛國寺，所以我地要找緊時間啦﹗
買個三文治先：
又去新地方，好開心﹗﹗心裡面都好緊張﹗唔知佛國寺到底仲有無紅葉﹗﹖我地今次既旅程咁啱呢個時候出發，所以先搏一搏可唔可以睇到紅葉。今年佛國寺既紅葉盛開既日子係11月中，而家已經12月頭，真係唔知有無野剩﹗不過梨大既紅葉令我地有一絲期望，所以就照去佛國寺。
三文治同甜齋啡做早餐，雖然係快餐外賣，但火車站"Lunch"既三文治質素唔錯，當然價錢都唔平啦﹗﹗呢一刻令我諗起香港既OK便利店三文治，點解可以咁難食……
火車沿途風光，我地見到D山頭啡橙色，我地就有預感佛國寺D楓葉已經凶多吉少……
話雖如此，但係啡橙色+蔚藍色既天空，係一個郊遊既好日子﹗﹗難得既好天氣又出現啦﹗
而家既時間係十點九﹗
一到達新慶州，感覺呢度特別有靈氣，空氣特別清淨﹗
一出火車站即刻向左手邊望，向左手邊直行，就可以到巴士站搭700號去佛國寺
由新慶州站出發去佛國寺，可以坐呢架或者坐的士。
我地差1分鐘，搭唔到11點既巴士，結果要喺火車站等40分鐘先再搭巴士……不過原來40分鐘都好快過……
途中經過見到既小屋…好靚好有feel，好似童話故事…
到達佛國寺附近，呢度好多靚樹，要大啖d呼吸空氣﹗
呢度有好多烏鴉喎…
冬天既太陽係最溫暖﹗﹗
向佛國寺方向前進，其實橙色既樹葉都好靚呀~~
有d紅色喎…
滿地都係紅枯葉……
難得既一地枯葉~
呢度既枯葉一樣非常乾爽仲脆卜卜，令人好舒服~
黎到呢個世界遺產，入鄉隨俗，打下坐先~~
呢個就玩入屋拜佛：
韓國人對佛國寺既保育相當細心，當中可見韓國人對文化既愛惜同用心。
仲有紅當當既樹喎……呢個時候要發揮正能量精神…yeah﹗好過無呀﹗
比W4000入場參觀下~
呢棵樹好有型﹗﹗好似D夢幻國度既植物，出現喺現實生活﹗
難得有藍天為我們做伴，當然要好好欣賞靚景~~
D枯葉痴左喺身，fing兩下就甩哂﹗﹗碎都無剩﹗
呢度既枯楓葉有成尺厚，可知原本既樹掛滿紅楓葉會喺幾咁靚﹗﹗
紅橙黃乜顏色都有~
疊石仔遊戲﹗﹗呢個係祈福既一種方法，將D石仔疊埋一齊，疊得越高，祈福就會實現既機會越大﹗
呢個係我疊既…得五層高....=,="
呢個係老公疊既，都好高喎...相形見拙tim...
有玉露水﹖﹖﹗當然要試下﹗﹗
d水好好飲呀，清涼純水﹗﹗
大雄殿：
韓國既楓葉樹相當吸引，楓葉是非常小巧的，大大小小的樹葉都是細細的，一棵樹有極多的楓葉，令楓葉樹看起來很有層次有美﹗﹗
看到樹葉嗎﹖
在其中數棵樹下，有極紅的枯葉，楓葉的線條真的很美：
佛國寺，非常清幽寧靜的一個地方，令人得到心靈平靜和領悟。你可知道﹖當你願意用心及用腦去領悟人生的時候，你會在任何地方都能發現真理與真相。
待續……
韓國_釜山 & 新慶州 2 Dec 2013 @ 8天自由之旅 Day 6 (下)
韓國_釜山 3 Dec 2013 @ 8天自由之旅 Day 7 (下)
韓國_釜山 3 Dec 2013 @ 8天自由之旅 Day 7 (上)
沒有留言:
張貼留言