海雲臺這行程，是為了到必到景點﹗﹗或許這是夏季的必到景點，冬季的時候行沙灘，凍到變冰條……不過海鷗依然有好多，夕陽依舊美麗動人，這就是必去景點的過人之處﹗
夕陽西下，加上海鷗，令人有放鬆的感覺﹗
真係有好多喎~
小朋友最開心既時刻﹗﹗
我覺得當海鷗浮喺水面扮鴨既時候最可愛﹗﹗
見到附近有間CASINO，當然想入去參觀一下﹗
行到入去竟然因為無帶護照而唔比入，老公仲要只係無帶我嗰本，唯有比佢入去參觀下，我喺外面等…原來呢度賭好大…最平都要W200,000一局…老公當然唔會玩，行左一圈就出黎lu~
呢度有實彈射擊場﹖﹖真係未試過玩喎…不過應該好勁後座力，所以無入去玩﹗﹗ 但我之所以影呢張相，係因為最下面嗰四個字……
經過附近其中一間supermarket，釡山用呢個方法雪住d菜，d菜保存得好好，全部都好新鮮﹗﹗
沿住海邊行，行行下會去到海雲臺的釡山水族館﹐ 招牌好靚喎﹗﹗ 到此一遊﹗﹗haha~
沿住海邊行，就會見到專食海鮮既小舖，跟住到我地其中一個必試重頭戲﹗﹗ 生食生八爪魚﹗﹗
就係佢地啦﹗﹗
無理由只係食八爪魚咁少，肚餓，試多樣不知名物體﹗﹗ 個樣真係好樣衰﹗
呢碟八爪魚同我想像既有出入……好似蚯蚓……仲要係分屍既蚯蚓……仲要睇住八爪魚由成隻被斬件成一條條，仲要好似蚯蚓咁郁……仲要放入口…放入口之後仲要係無乜味又韌…夾硬食左唔少…..我只可以話，今次係體驗……唔會再試第二次……
呢碟係呢外一樣生物……咸咸地又有d腥腥地…雖然好新鮮…但都係好核突…又係無第二次……
呢個最好食……
我地特登揀一間有得食生八爪魚既……早知揀間食蠔ga la.....有早知呢個世界就無乞兒啦....
呢度仲有呢d小食，不過露天實在太凍，頭先又食左d生冷野，好似無食野咁，無哂熱量，d小食勾唔起我同老公既興趣，我地都係正正經經搵間食店食野好過﹗﹗
我地返番去之前嗰條食店街，見到有海曼，但太殘忍，經過生八爪魚碎屍案之後，我地都係食d唔喺我地面前"瓜"既食物，千揀萬揀，最後揀左呢間普普通通但係都有人幫襯既食店﹗
有拌飯食，仲要w5000咋，正﹗﹗﹗好好味好有自家風味﹗﹗
好好味拌飯，好溫暖既店，由地板暖入心，平衡我地喺街頭既凍﹗
有辣熱豆腐湯﹗﹗正﹗﹗
非常溫暖的一餐﹗﹗ 有家的感動﹗﹗ 每一樣食物都很不錯﹗﹗ 平靚正﹗﹗
通去toilet既門，細細地迷你門，通向好似大陸一樣既toilet……
呢d就係海雲臺出名既海鰻啦~
喺supermarket見到呢包薄荷糖，之前喺韓劇"屋塔房王世子"見到佢地成日都喺度食，所以買黎試下﹗原來係好似白砂糖包住金絲薄荷糖既質感同味道...
我地又買米酒試，呢個係釡山先有既，不過味道有d怪，一般﹗
三支酒大比拼﹗
呢支米既味道同甜度都比月梅濃郁，係飲過咁多支農家米酒入面最好飲既﹗
釡山比首爾鄉村一點，食物及酒店的品質還是相當不錯，韓國地道本土的氣息更濃﹗每去到一個新的地方，我就會想品嚐當地的食物，買一買當地的產品，又見識多了一點，又經歷了多一點，這種感覺，這種新鮮感，帶給人滿足和快樂﹗﹗簡單和用心的地生活，是我現在的追求﹗而這個追求，我正在實踐。
沒有留言:
張貼留言