行程內容:
第二天：頤和園（清朝皇家園林和清朝的行宮）～ 蘆溝橋 ～ 天安門廣場 ~ 故宮博物院-中和殿、太和殿、保和殿、御花園～自費項目：功夫熊貓
*順便一提，我們今次行程有三項自費項目，合共$320人民幣，個人認為還可以。我們報團前應連同自費項目作為團費計算在內，那旅遊時就不用考慮太多。有時我們會認為自費項目可以選擇唔參與，其實這種想法不太好，跟團去旅行，最好就係有咩睇就睇，有咩玩就玩，簡簡單單唔好諗太多野﹗去旅行最重要係開心﹗不要讓那一千幾百蚊破壞心情。
今日換了導遊，因為原來的導遊有急事請假，這個新導遊非常不錯，令我們整個旅程都生色不少﹗一個好的導遊對於一個旅程有著好大的影響力﹗我對北京的印象也因這位導遊而變好了。
頤和園入口，今日小驚喜，有得睇duckduck﹗鴨鴨離開左香港，估唔到黎到北京又有得睇^^，今次係北京黃鴨：
入到頤和園lu~呢個係文昌院~
頤和園景色怡人，楊柳樹生長得好靚，好舒服，好似去左大公園晨運咁，不過到頤和園參觀既人真係太多………
敗家石，之所以叫敗家石，因為呢舊石去到邊，就會為嗰個地方帶黎惡運﹗神奇既係，即使呢舊石咁敗家，都仍然放喺度唔毁滅佢：
呢舊石到底有咩咁特別﹖以前d人既taste真係好難捉摸…
呢個青銅做既雕像有上千年既歷史﹐以前既藝術品真係耐擺呢~
呢度係慈禧太后食飽飯無野做行既長廊，中間既小折位都有亭同壁畫：
而家坐船過對面影大鴨仔啦﹗
見到鴨仔個pat啦~
在河裡的北京黃鴨，我認為及不想我們維港的香江黃鴨……hehe
盧溝橋特色的小石獅：
天安門廣場留影:
出發到故宮，由午門進入，起初以為午門係好多亡魂既地方，點知原來d犯人只係由呢個門押出去行刑，並唔係喺呢個位置行刑…
中國的皇宫建築真的十分有氣派，沿著故宮、天壇等的建築規劃極端講究，五行、陰陽、圓方、東方西北等風水一絲不苟，故宮的縱橫軸興建完美對稱，風水學說於古時來講是一種智慧﹗
代表著皇家的圖案：
北京天氣溫度極端，早上晚上十多度，中午卻有27-30度的感覺。
今次參觀故宮，真的很開心，因為很想親臨這個地方，感受一下古時中國最有氣派的地方，今日一見，果真不同凡響。可惜這個地方已今非昔比，有時我會在想，如果我們中國也可以像現在英國、日本那樣，保留著皇室成員也不錯﹗
有點可惜的是，我發現我國的保育能力很弱，故宮雖然宏偉，但比人既感覺很殘舊，相比起其他國家，我們真的要增強這方面的意識，上至官員，下至人民都應該愛惜國家的一切。
皇帝的房間：
門口及木櫃的雕刻都非常精緻：
複雜而有序的設計：
皇后的房間：
還有很多房間未參觀過，就為故宮之旅畫上句號了。下一次自由行再參觀﹗
這項自費項目也不錯，表演的功夫幾有力，有銅皮鐵骨的感覺。
晚餐，梅菜扣肉最好味，其他ok：
沒有留言:
張貼留言