北京 26 SEP 2013 DAY 1
行程內容:
第一天：香港-->北京～天壇公園（現存最大古代祭祀性建築群，“天地日月”諸壇之首）～國家大劇院 ~王府井大街～東華門小吃一條街～新東方廣場
酒店：連續4晚住新世紀日航酒店(Hotel Nikko New Century Beijing)，雖然酒店屬5星級，但酒店已經很陳舊，無泳池，感覺就像澳門既3星酒店，你自己想像一下。
清晨未到4點就出發，為了5點半前能到機場check in...精神狀態真的很疲累…但心情就非常開心，因為可以帶媽媽去北京，也可以看到我一直想看的故宮﹗
雖然香港有很多與內地人的問題，但我還是很愛中國，我指的是一直自古以來的中國。我一直都認為，古時的中國人有智慧，有學識，有文化，是文明的國度，而古人遺下的知識及產物，雖然有一大部分都已被偷走了，但仍有不少仍存留中國這個地方裡。儘管是支離破碎了的文化，但我仍然深感興趣﹗
5點半準時到機場，但櫃檯竟未開工﹖一團人白白呆等了一個鐘頭，6點半才有人開工，領隊說平時不會這樣發生……我心想…早知瞓多一個鐘先出門口…可惜呢個世界無早知呢樣野…
7點3才入閘去…買了4個m記包就去登機了…一走到過黎已經final call…想影張相都無時間啦﹗我地今次來回都搭港龍機，都算唔錯啦﹗
去程搭港龍舊機，無野好玩，咁當然就係瞓覺，瞓一個鐘叉電，起身食飛機餐，都ok喎~
11點半左右到北京機場，準時到達喎﹗原來北京機場真係好好好大，中國最令我嘆為觀止既地方就係地方大﹗北京機場整體感覺算是還不錯﹗始終是首都吧﹗
原來北京既天氣係好極端，而且係乾燥既天氣，同香港好唔同。我喺香港既混合性皮膚，黎到北京即時變成中性膚質，第一次極速感受到環境對皮膚既影響力﹗我地黎北京既呢幾日都算好天氣，北京既空氣異常清新，令我驚訝原來呢個世界有咁清新既空氣…地點竟然係出左名空氣污濁既北京﹖到底咩地方空氣咁清新﹖之後你就知﹗
吃完中午飯，第一個景點就是天壇公園，這是當年皇帝祭天的地方，今天我們觀光的景點，超多學生參觀：
中國文化其中一個地方就是相當相信凡夕風水，對陰陽、方圓、東南西北、九五等有關方位平衡既觀念非常地講究，這些觀念不單是憑空想像，而係實踐喺生活上面﹗
藍色的琉璃瓦很有皇室的氣派~
又的確係幾金雕玉琢喎…
呢個皇穹宇建築連條柱既圖案都好講究喎...
D圖案都好細緻~
我們自古至今都有信奉神靈…無論是什麼，總之大多數人都會相信有神的存在，比我們人類更有力量的神，會透過被供奉、被依靠、被相信而保祐人類
這些古樹年紀很大，見證了這個世界的變遷，很有生命力﹗
 |
祈年門： |
天花板都好靚喎~
這個藍天真是絶配!
參觀完天壇就到國家大劇院到此一遊：
我地影左5-10分鐘相，呢度已經開始戒嚴…自從64學運事件之後，團體長時間聚集喺北京重要地方已經變得不再可能，即使旅行團也不容許…如果當初學生們爭取到民主自由，今日的中國又會如何﹖如果…可惜呢個世界無如果。
有咁多保安喺度，我地呢D唔會搞事既平民百姓唔駛驚有危險…HA
王府井小吃街，雖然我黎到北京先識，但呢度原來係好出名…可惜，呢度既野好商業化，小吃既水準好低，價錢又貴…一個字…差﹗
 |
太樣衰了…嘔…
呢個冰糖食品好多地方都有得食……無特別…
無乜味既面：
呢個就係出名既爆肚：羊肚，我見都好多人食……點知…老公話無味…=_="...
老北京炸醬面…超難食…咸而無味…
王府井小吃街不去吃也罷…真的不好吃…
今日係第一日到北京，很開心，但要適應北京既天氣，之前既睡眠不足…北京行程近乎日日都晨咁早起身，同返工差唔多……
北京 27 SEP 2013 DAY 2~
北京 30 SEP 2013 DAY 5
沒有留言:
張貼留言