行程內容:
第三天：十三陵-長陵（中國明代皇帝墓葬建築群）~ 萬里長城-居庸關
（長城的一道重要關口）～寶樹堂～
萬里長城長又長…作為中國人當然想踏足一下長城，話哂都係一樣有血有汗既古建築物﹗今日呢個行程有一種"終到長城是好漢"既感覺，總算親眼看過長城…(長城一小格..HEHE)
今早先到明朝皇帝們的陵墓參觀，我們會參觀其中一個-長陵，不過我都唔見嗰墓喎…只係見到一間好似展覽館既屋…呢個地方最令我無法忘懷…因為呢度有我呼吸過最新鮮既空氣……仲有導遊會介紹當地人種既有機紅棗、梨同桃，我強烈推介呢度既紅棗，真係好好食﹗食完充滿能量﹗
十三陵分佈喺各個山頭，喺長陵呢個位置空氣極其清新，而且大好多會釋放負離子能量既樹，係我做人咁耐以黎吸過最新鮮既空氣，嗰種新鮮既感覺，凌駕瑞士既空氣。
長陵呢間博物館既建築就係我地今次參觀既地方，唔通呢度就係長陵所在﹖原來呢個係長陵既殿…天花板同故宮好似﹗
呢間屋既棟樑都係過六百年既樹，到而家都非常堅固，可見陵墓選料非常嚴格﹗呢D木都有膠卷圍住，因為參觀既人喺木上面刻字，可見中國人保育意識多麼薄弱﹗
呢度展示左陪葬既首飾防製品，聽真品比作製品靚好多好多﹗
加插行程：寶樹堂
其實我認為，買唔買裡面既產品，好睇你有無需要或必要，講真，香港人，作息唔定時，生活唔健康，大多數都周身慢性病，如果真係想身體好，應該改變自己既生活習慣、飲食習慣，買藥都只係保健，長期黎講，如果想健康，真係要學習對自己好一D，學習養生先有用。
下午行程：萬里長城居庸關
萬里長城有好多唔同既關卡，我地今次到既係比較易行既一關 - 居庸關。我地到長城既天氣好麻麻，大霧，但叫做到此一遊﹗
大陽喺長城隔離喎…
帶左個喺十三陵買既"桃"上長城食，同媽咪一邊傾計一邊食桃，可惜桃原來唔當造，比較酸…
D樓梯級有D高有D低，一D都唔易行喎……我都係行少少算…無計啦…要就下媽咪..HOHO
是日晚餐，普通既中式晚餐，味道都OK，今次既新華團食物質素都算唔錯：
又一日，今日雖然去左長城，但係最攰係尋日行故宮，皆因我地喺長城都係行左少少啫…HEHE…前世未行過樓梯級咩…行下叫做交代左啦…反正都行唔完成條長城GA LA……
沒有留言:
張貼留言