日本_米子-鳥取 30 Aug ~ 2 Sep 2017 @ 4天首次三人自駕遊 Day 1

   

               

日本_米子-鳥取自駕遊  30 Aug 2017  Day 1

這次的旅程，我們又緊張又期待﹗﹗

第一次兩公婆帶著希仔，三人坐飛機﹗﹗到底我們能否在沒有其他人幫手下，應付到帶著一歲三個月囝囝的旅程﹖﹖會不會很辛苦呢﹖今次同時是我們第一次自駕遊，很多未知的情況等著我們呢﹗

Airline: HongKong Airlines
航班：中午12點  機程：3小時50分
日本機場：米子空港
租車公司：NISSAN 日產汽車
第一目的地：鳥取縣 - 境港
酒店：御宿野乃
景點：鬼太郎列車

例牌坐A33，喺屋企樓下，而家有巴士app，真的十分方便預計巴士到逹時間：

乘坐香港航空，繼續享受帶著幼兒的福利，到優先櫃位check in~~

希仔第三次坐飛機~~

機場地方很大很多新事物，希仔很喜歡到處跑~

米子登機閘口附近竟然有個咁既地方……又hea又寬敞……流露住濃厚既休閒氣氛﹗

我地出發啦~~呢班機係中午12點，啱哂帶住BB既我地，唔駛晨咁早起身趕頭趕命~ 米子呢個地方，其中一個大賣點，就係鬼太郎作者既家鄉，到處以鬼太郎漫畫為主題，特為紀念作者。

而我地今次既旅程就係以米子機場為起點，遊覽整個鳥取縣。

上一次我地訂BB餐比希仔，食物係三樽佢唔食既BB食品，今次訂兒童餐，博下有d野會啱希仔食~~Bingo~~有包有面有通粉~

比個包包你，記得要乖乖呀~ 其實邊有咁簡單﹗仲要帶好玩具，煮好平時BB食既食物帶定上機，仲有BB小食，奶咀等，真係缺一不可﹗認真準備好所有野，BB喺機上面就會少哭鬧~

時間啱啱好，食飽飽玩一陣，眼瞓仔乖乖覺覺豬：

一片綠，我地到達米子上空啦~

排隊出境~希仔都一齊落地行~ 全機人希仔最細~

希仔很落力推行李~~

落機後第一件事，就是到租車櫃位NISSAN取車，米子機場很細，一眼看盡，而NISSAN的租車櫃位就在出境後10米左右位置，無其他人同我地爭，好快就辦理好手續，轉個彎就到車場取車。

日本的時間比香港快一小時，所以取車後已日落黃昏，日本時間六點幾向第一間酒店出發：

第一晚酒店，非常接近JR境港駅 (map code: 109 762 031*53 , Tel: 0859-42-2851) ，亦即「鬼太郎」車站，能夠由車站位置望到酒店，一目了然。我地開車到境港駅，就見到酒店。

呢次我地租既係細車，車子新，都算舒適。酒店外有車場免費供入住客人停泊：

酒店後方就係鬼太郎警察局~係真既警局黎ga~

酒店門口好有日本特色喎：

一入到大堂，充滿Tatami既香味：

第一次住充滿日本傳統特色的酒店：

入酒店要除鞋真係第一次，喺大堂有鞋櫃放鞋：

門口都令人賞心悅目：

上到樓層大堂有大玻璃窗，飽覽境港河邊：

御宿野乃酒店很近境港車站：

房間雖小，五臟俱全，大床乾淨舒服。Check in 時酒店職員給了希仔一份兒童用的小禮物：

房間有一大玻璃窗可看到室外景色，日本的小屋盡收眼底，一望無際，真的很療癒呢﹗

沐浴用品大大支，花洒水壓很足，有三種效果，其中一種霧氣效果非常舒服，真的令人有如置身霧水之中~~

簡潔而舒適：

這裡用的水是高磁能量活性水，聽起上來好像好厲害的水，哈：

希仔新玩意，剛到他高度的雪櫃開關掣：

Check in 完要醫肚啦，日本時間7點多，到附近仍營業的食店：

食店名字是 "丼や"：

一大堆蠔殼，唔通有好多蠔食﹖

赤腳坐木板，最啱希仔通山跑，一邊食野都唔駛擔心佢坐唔定：

我選了炸蠔定食：

晚餐來說：1380 yen 價錢很化算，蠔不算非常新鮮但也炸得很脆口：

老公例牌試下本地啤：

這炸墨魚很不錯，香口，送啤酒一流：

老公叫了海鮮丼定食：

滿滿的各類新鮮海鮮，老公形容為好滿足的海鮮丼：

這裡有米子的蠔，1000 yen，感覺很不濟，但一場來到，是否要試一試龍與鳯﹖

手掌那麼大的殼，但裡面的蠔卻不算大，結果味道是……無蠔味，很滑孱孱，很怪的口感及味道，一點都不好食 @@：

 食飽飽，時間尚早，參觀一下到埗後第一個景點 - 鬼太郎車站：

有一架鬼太郎列車停泊：

可惜沒機會看到其他圖案的列車，不過黑媽媽睇鬼太郎都有點驚驚~

鬼太朗列車時間表：
http://www.sakaiminato.net/c817/map/youkairesshazikokuhyou/20160326jrsakai/

由車站望向我地酒店，真係好近：

睇完列車就開車去附近既大超市，見到煙花隨便有得賣，雙眼頓時發光：

好平呀…一大包七彩繽紛咁：

又闊落又整齊的超市入口：

賣單我地自己入錢落部機，然後部機自己識找錢，我呢d大鄉里感覺好新穎：

呢支脆皮雪條好食到好感動，朱古力超脆，雲呢拿雪糕好濃好好味，此等又平又靚正既雪條只有日本先搵到：

呢間就係今次我地揀中既超市啦：

返酒店房啦~搭lift都要除鞋ga，感覺真係好貼地呀﹗

返到酒店已達入免費宵夜時段，呢d環節一定要試下：

以免費黎講，呢碗面第一個字：正﹗﹗面有彈性，湯底也好，睇相就感覺到：

以下是Tabiral Japan的鳥取觀光資訊，大家可以作為參考：

探訪鬼太郎家鄉的交通路線：鳥取縣境港

第一日的米子境港，天氣太好，清涼而乾爽，感覺太舒服~~帶著bb也能渡假﹗﹗