泰國_Bangkok 3 Feb 17 – Maduzi
Hotel
自從有左Hea Hea B，都無再搭飛機出國，無他既，無謂太冒險。
自從Hea B出世之後，我同老公既人生完全唔同哂，多左一個全新成員，呢個成員日日都嘈嘈嘈叫叫叫，寧靜既夫妻生活變得好唔寧靜。
係時候要用下個腦，思考下部署下點樣重新過日子。
Hea B原名希B，因為出世既時候喉嚨有痰發出Hea Hea聲而被我改名為Hea Hea。俗語話：人如其名，作為媽咪既當然好怕我個囝太hea做人，但作為一個80/20信徒，我好希望希仔可以喺香港呢個忙到喊既社會入面，學會忙裡偷閒，學會聰明做人，從複雜入面尋找簡單。
有好多人都討論應唔應該帶BB去旅行。我覺得佢應該ok既，咪試下帶佢去。有d人覺得BB太細，佢根本唔會記得搭過飛機去過旅行，無錯，BB仲喺細，佢基本上都唔會記得，但至少有兩個人會記得除非嗰兩個人老人痴呆，嗰兩個就係我同老公。
所以，希仔第一次旅行出遠門，係做跟得BB，跟住父母去睇世界，就係咁簡單。而第一個我地一家要去既，就係我最愛既Hea地之一，Bangkok﹗
今次，我地一行五人，連同家姐姐夫，晚機9點多 departure。到機場入境後，真係無比開心，太耐無踏足機場 ~~~
上機啦~~心諗曼谷我地去慣去熟，照計可以隨時隨地都搵到地方休息，所以我地無帶BB車出國，希望一齊都順利~~ 香港機場都有專比BB坐既推車，都算方便。
今次我地坐Emirates 既A380，冒求同希仔坐得舒服少少， 話哂第一次同BB去，都希望旅程中大家都唔駛太辛苦。
希仔比空姐睇中左，同佢玩又抱起佢，仲影埋相比我地留念，真係好窩心~~ 希仔叻叻呀，人仔細細就咁受空姐歡迎~~
希仔交足戲望哂鏡頭咁~^V^~kaka~
BB係無屬於自己既機位，全程都喺坐喺父母大脾上面，另外有一條安全帶比佢，喺父母既安全帶上面加扣。
希仔好奇心好強，見到佢細細粒喺機倉度望黎望去就覺得好過癮~
起飛前好眼瞓仔，最後瞓著左~~Gd!
飛機餐正正常常，但一邊睇B一邊食飛機餐真係非同小可，我都唔知自己食左乜 ?_?
喺飛機上面，要想盡方法令BB唔好喊唔好大叫，乜新法寶都出齊，以下係其中三種。
法寶一：喺飛機上面無可奈何忍住污穢將佢放落地
法寶二：第一次比一滴百事都無既吉罐佢當玩具咬，換黎片刻既寧靜。
法寶三：第一次比包仔佢咬，成個上，有得玩有得食
喺飛機揍住希仔真係好攰，零休息，但都見到希仔超搞笑既一面，終於見到曼谷啦~~~
落機啦，成個位比哂你坐~~好似都好啱坐咁喎~
一行五人坐Taxi Van到 Maduzi (nearby BTS asok, & T21)，收我地450B，算係好平下，第一次喺Bangkok番撻上一次住既酒店，一來性價比極高，一來地利不錯。12點尾到埗，一上到酒店房，放希仔上大床，佢即刻好開心咁周圍走。
酒店亦為希仔預備好床仔：
沖好涼飲好奶，又攰又舒服仔，放落床一秒瞓著：
待續....
沒有留言:
張貼留言