到達釡山後，第一時間觀察一下四周。原來釡山並不像首爾一樣有那麼多中英翻譯的指示牌，大部份都是寫韓文的，所以這次終於踏足比較地道的韓國。幸而釡山都是韓國第二大城市，一些重要的指示牌還是可以看到中文及英文。
釡山這個地方，第一次踏足。這個世界是充滿趣味，這個地球的各樣事和人，充滿未知，是我們花盡一生也不會探索得完的。只要我們仍有一顆好奇心，這個世界會開拓我們的眼界，滿足我們那好奇的靈魂。
釡山火車站直出200米左右就見到接駁的地鐵8口出口：
出發
西面後一個站釡田站就係我地釡山酒店的目的地：
1號出口過對面馬路就是Ibis Hotel：
大堂喺頂樓：
酒店乾淨企理舒服﹗﹗只係啱啱入黎感覺有少少煙味，開窗透下氣就好快無，不過嗰d都唔知係咪真係煙味…定我敏感呢﹖
張床又係高質素既枕頭被褥，瞓得好舒服
而家出發去釡山其中一個shopping熱點，南浦洞，出發之前我地去左西面地下街睇下，見有人介紹過，行完睇完無乜特別，賣既野以上左年紀為主，可以唔駛行。
一出南浦洞地鐵站，就見到幾間寵物店，賣既寵物同香港唔同喎﹗﹗ 箭豬仔~~好cute~
型仔蜥蝪：
過街老鼠﹖﹖﹖可能我唔識品種啦……真係好似肥啫啫既過街老鼠……
松鼠仔：
搞左咁耐我地都肚餓，見到有一間車仔賣花生粒，好似好好食咁…我仲以為裡面有饀……
原來裡面既饀係一粒花生………無乜特別，但食下食下又幾過癮既花生
基本上有好幾個出口一出行兩行就到呢個夜市街，夜市都好大，可以行一個晚上。可以睇一睇地圖邊幾個出口，再行出黎。
呢個夜市都有好多野睇，本來大家都想食野，但行下行下又有野shopping，同老公血拼左個零鐘，原來已經9點尾﹗﹗﹗真係好肚餓要搵野食，喺其中一條好多食店既街行左一round，最後揀左仲未收舖而又好似好好食既烤肉店﹗﹗
清湯底﹖﹖呢個店既野食全韓文，除左價錢同幾隻漢字之外，我地都唔知自己點左d咩，只係知道個餐有八款烤肉……但應該唔會係清湯……仲要有蝦既﹖﹖我唔食得蝦喎…唔係用黎肴湯呀ma???
個店員話比我地知係同我地隔離嗰台一樣…咁我地就算數…本來老公想叫人整走d蝦，不過我估我唔食d蝦應該ok掛，搏一搏﹗﹗ 最後好彩無事﹗﹗
有八種口味五花腩，d口味有中文字寫明，睇落去好似好好味咁：
咁多樣食既2人餐﹗﹗好抵食呀﹗﹗﹗
呢邊仲有d菜比我地送烤肉，無限任添：
d泡菜同大豆芽菜一齊放喺鐵板上面烤，好特別喎~~有個以菜放底既汁，用黎解油膩
食烤肉當然要有一支酒，枱枱都總有一支，我地都要返一支送下烤肉：
店員開頭會幫我地整一轉，之後我地就自己整。
滿滿的一枱食物：
八款五花腩：
就黎食得﹗
鍋湯而家加左料，變成韓國例牌火紅紅熱湯﹗﹗超正又唔太辣：
READY!!!
吃﹗﹗
超肥五花腩，肉質嫩滑，好正呀：
D菜好靚好新鮮：
到我地自己烤啦，都幾特別，
差唔多食哂﹗﹗食到超飽﹗﹗
就係呢間店啦：
我地食嗰個W30000 ，2人餐，港幣$225左右，兩個人成枱野食，抵到爛左：
呢間烤肉店可以由呢邊入(條街其中一邊)：
見到呢度再入：
見到呢度再入就到：
南浦站：
返到酒店喺酒店地下CU買左CU牌士多啤梨味既桃哈多…好似網友所講，幾好味，不過貴左D囉…未至於必食…
今晚好開心，因為食左超值既正宗韓式五花腩餐，買左唔錯既衫，釡山係一個好地方﹗﹗﹗
沒有留言:
張貼留言