韓國_首爾 27 Nov 2013 Day 1 (下)
本來打算去完公社去仁寺洞遊覽，但街上唔單止落雨，仲落雪，係唔細既雨夾雪，氣個天玩到咁大，氣溫跌到零下，唯有更改行程，先轉戰地下街再算﹗繼瑞士的漫天飛雪，第一次見落雪的地方就是首爾﹗本來單純落雪很浪漫，怎知沒多久落埋雨，凍到想只在室內﹗
SHOPPING開始，第一站去好多人都有介紹既永登浦地下街，先到Zoo Coffee食下野先~地下街一直行，行到中間位(你覺得點解咁耐都未到既時候就差唔多到) 就到睇人話呢度d waffle好食，雖然我見佢個三文治仲正，但老公要雞肉三文治，所以我都點左waffle，share食﹗
三文治超好食﹗好新鮮既蔬果，好juicy，醬汁好似將軍漢堡嗰D汁但更好味﹗﹗waffle外脆內軟，都相當出色，但真係要比較的話，三文治更正﹗coffee比起食物反而失色了。
永登浦地下街 (營業時間：10:30~22:00) (永登浦站139 5號出口)
zoo coffee於zara outlet(一間舖位既outlet)對面，不單這裡有，梨大入口附近都有﹗值得一試﹗
對於年輕人來說，永登浦地下街沒有什麼好買，，我沒有買衣衫，只買了一點飾物，但飾物可以其他地方都有得買，所以可以不去，節省時間去其他地方更好﹗
永登浦地下街裡有E-mart﹐買超市食品可在這買，如順路。這裡比樂天便宜。
E-mart B2區 (食品區)(營業時間： 24hr)
泡菜勁多勁大包：
永登浦是139號，記住號數，永不迷路﹗
行完一大輪，開始攰啦，返酒店check in先~d人話搭凌晨機一定會返酒店瞓下先，但我同我老公都唔係好眼瞓同攰喎…可能因為太凍，零睡意，只係行得耐而攰攰地，所以唔駛補眠﹗
Nine Tree Hotel 乾淨企理又新，張床同被同枕頭都好舒服，質素中上﹗
美中不足係厠所門雖然可以拉或推，但沒有鎖，而且關不到又有條隙，總之厠所門係不能關閉好﹗
有熱帶雨林花洒：
有明洞街景，天空顏色很美﹗
甜甜的"黑糖松子餅"，喺凍冰冰既天氣裡面，變得非常好食，皮脆而薄，饀多而溶化﹗
第一次見有鮮榨爆子石榴汁，原粒咁榨，一定好補血﹗﹗可惜天氣咁凍，我一D都唔想飲果汁…而家既氣溫係零下4-5度﹗﹗
呢隻芝士炸薯片我都係第一次食，原來係熱辣辣好好味道﹗
辣年糕W3000：
呢一檔既辣年糕幾好食，係我第一次食小檔既年糕，非常軟熟又熱烘烘，甜甜辣辣的濃味年糕，但食完唔會好口渴﹗
出面冰點溫度，掃完街食左D野，我地就入左樂天百貨避風頭，見頂樓有音樂花園，就走上去睇下，點知…係喎…室外喎…仲要頂樓，但一場黎到，無理由唔入去，我同老公就硬著頭皮出去睇下加影相~
點解我地雙手合實﹖因為真係好Q凍....
嘩…呢個花園好似菜園呀﹗I LIKE!
D菜好新鮮咁喎……
塊地D積水結哂冰…好凍呀﹗
離開樂天百貨，又走番轉頭再食街頭小食，今次係大腸仔同魚肉包年糕(W3000)，一樣好正﹗﹗
大粟子同尤魚各W5000，我本人覺得好一般
這大粟子偏硬一點…可能因為凍了…
傳聞好好飲既香蕉奶太甜啦，有D飲糖水既感覺，唔會再買。
來到韓國，當然要試下韓國既農家米酒，呢支係好多商店都有賣，第一感覺幾好飲，有酒、米、梳打混合既感覺，而且因為米既關係，酒係甜甜的，正﹗天然有益的酒呢~
起泡泡~
奶白色的甜酒，好好味：
試下唔同既韓國杯麵，韓國既杯面特別好食，面質非常好，味道香濃，但味精沒那麼重﹗吃韓國麵有健康的感覺。
這個也不錯﹗不過聽聞無原味那麼好，而我覺得係各花入各眼﹗
第一天完結了，今天是漫長的一天，因為我們由晨早玩到晚，好像過了2天的感覺。第一天在韓國雖然凍到變冰條，但真的很開心﹗在首爾的地鐵裡，看到大部分人都是穿深色衣服，只有很少人穿鮮色的衣服，而他們多數都不會在車廂中大聲說話及講電話，我相信這都是他們的習慣吧﹖
沒有留言:
張貼留言