沙巴 7日遊 2011 MAY 21 (day5)

21 May 2011 (DAY 5) - 火山島泥漿浴

七點就食早餐，食左唔夠半個鐘就出發去火山島啦﹗

香格里拉的早餐很豐富呢~~時間點少都要食﹗

唔錯唔錯﹗

搭左一陣van仔到碼頭:

嘩…呢度駛唔駛咁靚呀……好hea下~呢d就係渡假啦﹗

就快上船啦﹗

藍天白雲快艇﹗good﹗﹗

又坐快艇出海，今次要坐成個幾兩個鐘快艇…心裡面希望自己唔好暈船…

大海呀﹗﹗

哈哈﹗太開心啦﹗

我都想做船長呀~

我地先去蛇島睇下有無海蛇…雖然搵唔到海蛇，但係有一種孤島探險feel~

到啦﹗


有警告牌喎……

蛇島碼頭~

d水好清喎~

探蛇之旅~

探唔到蛇都影番張森林相先~

再到生還島(火生島)換衫去浮潛。浮潛呢個節目係臨時加落去既…正呀﹗

生還島呢度d水都好清喎，見唔見到有無限條魚仔~~

呢條路過癮喎~

原來係咁用既~

呢度真係比我地包左島~

一個外人都無...hehehe

呢d植物又幾特別喎…好似菠蘿咁既…

隨地有椰子喎~

出發去浮潛啦﹗

換好哂衫要出發啦﹗

去到島上面見到好多好多乾既珊瑚同貝殼…我喺咁執d貝殼，地上執到寶，問天問地攞唔到…wakakaka…

呢度既景好令呀~

呢個珊瑚島好多牽牛花喎~

地上執到寶:

跟住坐船去較為深既海再玩浮潛，今次我除左鞋玩浮潛，真係好free好舒服…見到好多好大既珊瑚礁…今次既浮潛真係靚好多…仲可以玩用魚排釣魚…雖然我地既技術釣唔到魚，但已經好開心好好玩~我玩玩下有少少唔舒服就返上船度休息下，坐喺度都係唔太ok，我就瞓喺快艇上面，用頂帽遮住耀眼既陽光，瞓覺。呢種悠閒既程度係非筆墨能夠形容咁正﹗﹗

好休閒喎你~~

大家都玩到好攰就坐快艇返去火山島，四處地方水清沙幼，岸邊見到好多好多魚仔﹗﹗d魚仔係全部疊埋一齊，超多，好似非常逼澀咁。今日呢個生還島只有我地去，包左成個島﹗yeah﹗有唔少蚊蟲…偏僻地方既蚊蟲特別得人驚﹗仲發現有好多monkey呀…無諗過可以見到咁多monkey，補償返之前紅樹林只係睇到粒米咁大既monkey。haha﹗食完沙巴小食之後就出發去玩泥漿。


呢個好似糉既沙巴小食，好味道﹗

原來火山泥漿係喺森林入面，我地行左1100m先到泥漿位置。不過因為前一日落過雨所以d泥漿比較浠，只有一個位置既泥漿係比較結d，不過都幾好玩。

火山泥喎…點都搽d落塊面度~

再搽多d先~

呢度都好深ga~

玩完就行返1100m落去，落海沖完頭同身再用清水沖，換完衫就坐快艇返歸lu~

今晚dinner係翻炒，去雙天食海鮮，今次終於有老虎蝦食，叫左蒜蓉同奶油老虎蝦，d奶油真係好美味呀﹗﹗﹗

good﹗

石頭魚個樣好衰但味道非常鮮嫩~

個汁真係無得輸﹗

回到酒店有sex士風既liveband，好特別，第一次聽現場表演既sex士風，好好聽﹗^^




人生的旅程，總會有順有逆，我們都不知道什麼時候會發生我們不願見到的事，亦不知道什麼時候會出現我們一生難求的事。只願，當我們能夠享受的時候，盡情快樂。在順境的時候要記得感恩，在逆境的時候記得思考，因為無論或順或逆，也有很多啓示告訴我們。如我們能明白到一體兩面的道理，幸運就常在心中﹗