沙巴 7日遊 2011 MAY 17 (day 1)

17 MAY 2011 沙巴之旅開始....

期待左好耐好耐…啱啱搵到新工無耐就請大假…為左去沙巴…陽光與海灘…
凌晨4:15起身…呢一刻我只係瞓左兩個鐘…尋日仲係返工既日子…今日就上飛機啦…haha
我、cindy、fai坐5:15am既E33P到機場~會合kevin之後去翠華享受機場早餐。


7:50am左右登機，坐港龍航機AK061，8 點左右就起飛啦﹗終於可以離開香港again~

呢個飛機餐都OK喎~~

HONG KONG BYEBYE~


好攰啦…瞓陣先~

一瞓醒就到亞庇啦﹗沙巴真係超級靚……海水由淺到深非常分明…有d淺綠色既水圍住每一個島，我咁大個女第一次見到咁靚既海…由飛機向下望好清楚咁見到有一舊舊既厚雲喺海島上面，全部都係白雪雪既…好似我睇卡通片既雲…超靚﹗對比下，香港個環境真係好唔掂…

島上面D雲好厚呀﹗

小海島呀﹗好令呀﹗由細到大都未見過咁靚既海﹗

今日既沙巴係30度，空中小姐廣播：天氣良好。haha。原本都有d擔心，因為睇見天氣預告話沙巴每一日都係雷暴，見到都o咀…好彩，原來唔係成日都係咁…haha

11:30am 離境，local tour已經舉牌等住我地啦﹗我地一齊搭專車去到Hyatt Regency Kinabalu﹐我地呢次旅程既第一間酒店 (17-20MAY)，四日三夜。
ROOM 1010, 屬於酒店的高樓層，我地間房有一個無敵大海景…張床同枕頭超軟超舒服~~

Check in完就去左食海南雞+飲桔仔冰，成餐飯total RM34.5。

D雞真係好滑得黎唔油膩，好好食，椰漿飯有D油但鬆散，口感幾特別，同埋雞一齊食就超夾，正。桔仔冰一流，有幾粒桔仔同酸梅，酸酸甜甜咁，第一次飲咁解渴又清新既野飲。

下午茶後回酒店，2:30PM就上車準備去第一個景點：紅樹林。

坐左2個幾鐘頭車，5點幾到左，食炸香蕉、炸蕃薯、炸芋頭、炸冬甩仔等..

出發睇長鼻猴，全程就係睇到好似一粒米咁細既猴，仲要好似玩睇錯處既精神去睇下邊度有……真係無咩意思…不過第一次坐快艇遊河﹐又望到好靚既黃昏景，又望到彩虹…睇唔到好近既長鼻猴都一樣好開心。

坐左個幾鐘頭快艇就返去食晚餐，一邊食一邊有好多蚊蟲同我地一齊食，好彩有帶蚊帶，所以無比蚊叮死…只有咖哩係幾好味…

玩完買朱古力手信：

今晚返到酒店前食下樓下KFC，真係好好食﹗JUICY又滑﹗一定要食下﹗香港既KFC真係無得比﹗....不過…食完就瞓……